Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Biotecnoloxía

A biotecnoloxía está a experimentar unha rápida aceleración grazas aos avances nas técnicas -ómicas e na capacidade de computación, que nos permiten entender mellor como aproveitar a maquinaria da natureza para o ben da humanidade. A biotecnoloxía é unha disciplina moi ampla que explota procesos biolóxicos, células ou organismos para desenvolver novas tecnoloxías e ten aplicacións que van dende a agricultura e acuicultura ata a produción de alimentos, os procesos industriais ou a medicina.

Debido a esta ampla gama de aplicacións, a biotecnoloxía adoita clasificarse segundo un código de cores de acordo aos seus catro eidos de aplicación principais. A biotecnoloxía industrial coñécese normalmente como biotecnoloxía branca, mentres que o vermello se reserva para aplicacións médicas, o verde para desenvolvementos relacionados coa agricultura e o azul para aqueles procesos que teñen que ver co medio acuático.

O carácter interdisciplinario do IIM-CSIC permítenos colaborar con distintos sectores para aplicar innovacións biotecnolóxicas que abranguen todo o rango de cores da biotecnoloxía.

A continuación podes ver todas as nosas capacidades e servizos asociados.

 

Grupos de investigación

Capacidades

  • Software | GenSSI: kit de ferramentas para a análise de identificabilidade estrutural de modelos biolóxicos
    Industria alimentaria 4.0 Biotecnoloxía

    GenSSI é un kit de ferramentas que require MATLAB e Symbolic Math Toolbox. Ofrece unha técnica para estudar a identificabilidade estrutural mediante derivadas de Lie iterativas e táboas de identificabilidade.

    Podes atopar máis información aquí.

    Grupos de investigación relacionados

    Biosistemas e Enxeñaría de Bioprocesos
  • Software | SensSB: kit de ferramentas para o desenvolvemento e a análise de sensibilidade de modelos de bioloxía de sistemas
    Industria alimentaria 4.0 Biotecnoloxía

    Autoría: M. Rodríguez-Fernández and J. R. Banga

    Descrición: SensSB é un kit de ferramentas de software para análise de sensibilidade baseado en Matlab®. Esta ferramenta integra unha ampla variedade de métodos de sensibilidade locais e globais que poden aplicarse a modelos biolóxicos descritos por ecuacións diferenciais ordinarias (ODE) ou ecuacións diferenciais alxebraicas (DAE). SensSB tamén pode importar modelos no formato Systems Biology Mark-up Language (linguaxe de marcaxe para bioloxía de sistemas, SBML).

    Dispoñible aquí baixo petición.

    Grupos de investigación relacionados

    Biosistemas e Enxeñaría de Bioprocesos
  • Software | GLOBALm: método de agregación para problemas de optimización global con restriccións en Matlab
    Industria alimentaria 4.0 Biotecnoloxía

    Método descrito en Csendes, T., L. Pal, J.O.H. Sendin, J.R. Banga (2008). The GLOBAL Optimization Method Revisited. Optimization Letters, 2(4):445-454.

    O software está dispoñible baixo petición (escríbenos se che interesa).

    Grupos de investigación relacionados

    Biosistemas e Enxeñaría de Bioprocesos
  • Software | MITS: algoritmo baseado en procura tabú para problemas non lineais enteiro-mixtos (MINLP)
    Industria alimentaria 4.0 Biotecnoloxía

    Método descrito en: Exler, O., L.T. Antelo, J.A. Egea, A.A. Alonso and J.R. Banga (2008) A Tabu search-based algorithm for mixed-integer nonlinear problems and its application to integrated process and control system design. Computers & Chemical Engineering, 32(8):1877-1891.

    O software está dispoñible baixo petición (escríbenos se che interesa).

    Grupos de investigación relacionados

    Biosistemas e Enxeñaría de Bioprocesos

Servizos

Proxectos activos