Estudar no IIM
Se estás a buscar unha oportunidade de enriquecer o teu CV e impulsar a túa traxectoria profesional en CTEM, este é o lugar axeitado.
As nosas oportunidades de formación, tales como o desenvolvemento de teses ou estancias formativas, adoitan centrarse nas capacidades investigadoras ou técnicas. Ademais, pode haber outras oportunidades dispoñibles para outros perfís, que poden dar pulo á súa carreira como persoal de apoio á investigación dentro do eido da ciencia, levando a cabo dende funcións de comunicación ata administrativas.
Podes atopar todas as convocatorias, actuais e pasadas, no noso Portal de Ofertas.
Tanto se estás a procurar novas experiencias para decidires sobre o teu futuro como se estás a buscar un lugar no que desenvolver as estancias e teses necesarias para completar o teu Ciclo Formativo (antiga FP) ou a túa titulación universitaria (TFG ou TFM), o IIM estará encantado de te acoller por uns meses (ou quizais máis tempo!). No Instituto, entendemos que todas as carreiras teñen un punto de partida, así que nos esforzamos por facer do noso centro un lugar acolledor no que traballar e establecer relacións satisfactorias, no profesional e no persoal.
Se buscas un camiño alternativo no mundo da ciencia, tamén podemos ter oportunidades de formación para ti como persoal de apoio á investigación: dende postos dedicados á divulgación científica, xornalismo, socioloxía ou audiovisuais ata a administración, xestión de proxectos ou economía.
No IIM-CSIC publicamos periódicamente convocatorias e ofertas para que estudantado de todos os niveis podan continuar a súa formación. Únete a nós para desenvolver o teu TFG, TFM ou levar a cabo as túas prácticas!
Tes interese en iniciar a túa carreira no noso centro, pero non sabes por onde comezar? Se tes calquera pregunta ou se queres recibir máis información sobre o teu posible futuro no Instituto de Investigacións Mariñas, contacta coa nosa área de Recursos Humanos.
