Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Marine Life and Ecosystems

Organización da vida: dos xenes aos biomas

A vida está altamente organizada e estruturada segundo unha xerarquía que pode examinarse a distintas escalas, dende a máis pequena ata a máis grande. Xeralmente, esta escala vai dende os niveis moleculares e celulares ata os niveis de meirande organización, coma os tecidos, órganos, individuos, grupos, poboacións, comunidades, ecosistemas e biomas. 

Mediante esta liña de investigación, pretendemos comprender mellor os mecanismos que permiten que os organismos funcionen, evolucionen e interactúen con outros organismos e coa contorna que os arrodea para aumentar a súa eficacia biolóxica, contribuíndo en última instancia á adaptación e ao éxito das especies. Ademais das interaccións entre organismos, o Instituto non pode deixar de lado o papel fundamental do cambio climático e o seu impacto sobre a bioloxía dos organismos mariños, que cobra cada vez máis importancia dentro desta liña.

A gran variedade das formas de organización da vida e das interaccións entre elas require da aplicación dunha ampla gama de disciplinas. A bioloxía molecular, xenética, bioloxía do metabolismo, fisioloxía, inmunoloxía, bioloxía reprodutiva, bioloxía do desenvolvemento, etoloxía, taxonomía e ecoloxía fundamental son só algunhas das disciplinas que aplicamos para explorar esta liña de investigación. Do mesmo xeito, a nosa investigación estuda unha gran variedade de taxóns: virus, bacterias, algas, moluscos, crustáceos, peixes e cetáceos. Ademais, a investigación desta liña está aplicada a diversos ambientes: océano aberto, zonas costeiras e augas peláxicas, así como a condicións de cultivo.

 

Grupos de investigación

Proxectos activos

Liñas de investigación relacionadas

More
Dentro desta liña de investigación
Grupos de investigación Proxectos de investigación Liñas de investigación relacionadas