Xenómica funcional de peixes
A Plataforma de Xenómica Funcional de Peixes (FFP-IIM-CSIC) do IIM-CSIC, dependente do laboratorio AcuaBioTec, ten como obxectivo facilitar a investigación sobre modelos de vertebrados acuáticos mediante o asesoramento en diversas técnicas innovadoras relacionadas coa bioloxía molecular, a xenética e a histoloxía, usando como especie modelo o peixe cebra (Danio rerio). Este servizo ofrece o procesamento e a análise das mostras; ademais, proporciona acceso ás súas instalacións e equipamento a clientes que desexen procesar e analizar as súas propias mostras (autoservizo), sempre baixo o estrito cumprimento das normativas existentes con respecto á plataforma.
Obxectivos e tarefas
A plataforma FFP-IIM-CSIC (laboratorio AcuaBioTec) ofrece apoio técnico ás persoas usuarias no referente a diversas tecnoloxías innovadoras relacionadas coa bioloxía molecular, a xenética e a histoloxía, utilizando como especie modelo o peixe cebra (Danio rerio).
Catálogo de servizos
- MICROINXECCIÓN DE ADN, MORFOLINO OU ARNm EN EMBRIÓNS DE PEIXE CEBRA
- XERACIÓN DE MUTANTES ESTABLES E LIÑAS TRANSXÉNICAS DE PEIXE CEBRA
- TECNOLOXÍAS CRISPR/Cas9, Tol2Kit E TRANSXÉNESE BAC
- PREPARACIÓN COMPLETA DE TÉCNICAS DE HIBRIDACIÓN in situ E INMUNOHISTOQUÍMICA
- EXTRACCIÓN XENOTÍPICA E CUANTIFICACIÓN DE ADN DE EMBRIÓNS DE PEIXES
- ILLAMENTO, PURIFICACIÓN E CUANTIFICACIÓN DE ÁCIDOS NUCLEICOS (cuantificación Qubit)
- SÍNTESE DE ADNc, ARNm "capped" E SONDAS DE ARN
- CLONACIÓN DE XENES DE INTERESE EN PLÁSMIDOS VECTORES. CLONACIÓN RECOMBINANTE DE ENTRADA (GATEWAY)
- RT-PCR (termociclador (PCR)) (opción de autoservizo)
- qPCR EN TEMPO REAL (SYBRGREEN) E ANÁLISE DE DATOS (opción de autoservizo)
