Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Marine Life and Ecosystems

Pesquerías

O peixe e os produtos pesqueiros están entre os bens comerciais de meirande importancia do mundo. Isto tradúcese en máis de 80 millóns de toneladas de capturas mariñas a nivel mundial e en 39 millóns de postos de traballo en pesquerías en todo o mundo. 

A escala local, a actividade pesqueira en Galicia conta cunha importante tradición que se remonta séculos atrás; dende o punto de vista socioeconómico, Galicia posúe arredor dun 43 % das embarcacións e case un 40 % dos empregos relacionados coa pesca en España, superando as 150.000 toneladas descargadas en 2019, cun valor superior aos 470 millóns de euros (pescadegalicia.org).

Porén, a pesca non sustentable experimentou un constante aumento dende a década de 1970, aínda que este ascenso está a frear. As medidas encamiñadas a axustar as capturas de peixe segundo o rendemento máximo sostible ou as obrigas de descarga establecidas recentemente tentan aumentar a abundancia e mellorar o estado de saúde das poboacións pesqueiras, asegurando así a sostibilidade da pesca.

As pesquerías sostibles precisan innovacións que reduzan os seus custos operativos e melloren os seus beneficios sen danar as poboacións. O IIM-CSIC conta cunha longa tradición na colaboración co sector pesqueiro a distintos niveis para contribuír á súa adaptación fronte a estes novos retos.

A continuación podes ver todas as nosas capacidades e servizos asociados.

 

Grupos de investigación

Capacidades

  • Capacidades | Desenvolvemento de aplicacións de Intelixencia Artificial para a xestión de pesquerías
    Pesquerías

    Desenvolvemento de algoritmos de Deep Learning que permiten automatizar os procesos de vixilancia das pesquerías e reducir o tempo e os custes en comparación co procesamento mediante observación humana. As aplicacións desenvolvidas van dende sistemas innovadores de vixilancia electrónica remota en tempo real, que identifican e cuantifican as capturas totais dos barcos de pesca (p. ex., iObserver), ata novas técnicas de recoñecemento de imaxe que permiten identificar os peixes a nivel individual e estimar parámetros poboacionais. 

     

    Grupos de investigación relacionados

    Ecoloxía e Recursos Mariños Biosistemas e Enxeñaría de Bioprocesos
  • Capacidades | Avaliación de stocks pesqueiros mediante o uso de enfoques tradicionais e de ecoloxía molecular
    Pesquerías

    Desenvolvemento de modelos de avaliación de stock para estimar o estado das poboacións de peixes e os valores de Rendemento Máximo Sostible das pesquerías a partir de datos de presión pesqueira e parámetros de dinámica de poboacións (abundancia, distribución, idade, fecundidade, etc.) obtidos mediante métodos tradicionais e técnicas -ómicas, que permiten unha resolución espacial moito maior. 

     

    Grupos de investigación relacionados

    Ecoloxía e Recursos Mariños Laboratorio de Biotecnoloxía Acuática
  • Capacidades | Avaliación da supervivencia das capturas incidentais pesqueiras e ecoloxía espacial de especies de peixes mediante técnicas de telemetría
    Pesquerías Ordenación do espazo marítimo

    Uso de marcaxe acústica e de técnicas de biotelemetría para seguimento do comportamento dos peixes e avaliación da supervivencia das capturas incidentais da pesca.

     

    Grupos de investigación relacionados

    Ecoloxía e Recursos Mariños

Servizos

Proxectos activos