Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Marine Life and Ecosystems

Acuicultura

A produción acuícola mariña a nivel mundial está a achegarse ano tras ano ao volume das pesquerías de captura, superando as 60 tm entre o peixe e marisco de cultivo (30,8 tm en 2018) e a produción de algas (30 tm en 2018). 

A escala local, Galicia ten una gran tradición en acuicultura, cunha produción que supera as capturas pesqueiras en peso (>200.000 toneladas), aínda que non en valor (200 millóns de €). Galicia tamén lidera o cultivo de mexillón e de rodaballo en España (97 % e 99 % da produción, respectivamente). Ademais, Galicia foi pioneira na adaptación de novas especies para acuicultura, coma no caso do abadexo.

Porén, a acuicultura na UE experimentou certo grao de estancamento durante a última década, fundamentalmente debido ao descenso da produción asociado a enfermidades, dependencia dos pensos de peixe, falta de zonas reguladas cara ás que expandir a súa produción e problemas medioambientais asociados co proceso de cultivo. A acuicultura debe superar estas limitacións para poder responder á crecente demanda humana de proteínas procedentes do mar introducindo novas especies de cultivo, fundamentalmente especies de baixo nivel trófico, aplicando estratexias de cultivo multiespecífico e expandíndose cara a alta mar para diminuír o impacto sobre as zonas costeiras. 

Unha acuicultura sustentable necesita innovacións que garantan a protección ambiental, a saúde e o benestar animal e a saúde e seguridade pública. O IIM-CSIC conta cunha longa tradición na colaboración coa industria acuícola.

A continuación podes ver todas as nosas capacidades e servizos asociados.

 

Grupos de investigación

Capacidades

Servizos

Proxectos activos