Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis
Biological Systems and Process

Industria alimentaria 4.0

Os métodos tradicionais de procesamento de alimentos están a evolucionar rapidamente para integrar os máis recentes avances na tecnoloxía da información, automatización e control en plantas de produción e ao longo de toda a cadea de subministración, o que se coñece como a industria alimentaria 4.0. A idea subxacente é xerar sinerxías entre todos os elementos dunha cadea de procesamento, dende a produción primaria ata quen consume os produtos, baseadas en datos e en aprendizaxe automática (machine learning) para impulsar melloras na produtividade, calidade e sustentabilidade.

O Instituto de Investigacións Mariñas contribúe a esta revolución coas súas tecnoloxías e enfoques innovadores. O noso persoal investigador e técnico traballa actualmente en sensores e modelos mellorados para produción e trazabilidade. Ao obtermos datos en tempo real sobre o estado dun proceso ou produto, permitimos un meirande e máis flexible control da produción. Tamén engadimos valor a estes produtos alimentarios e alongamos o seu período de conservación.

Ademais, o IIM traballa para desenvolver novas formas de envasado respectuosas co medio ambiente, así como etiquetado interactivo que proporcione unha información máis completa en todos os niveis da cadea de subministración. Por último, explorar novas tecnoloxías e métodos para a posta en valor de produtos de refugo promove unha economía circular, que de novo achega a nosa sociedade a un desenvolvemento completamente sostible.

Un exemplo habitual de integración ao longo de toda a cadea de valor é a trazabilidade. A trazabilidade das materias primas pode aumentar o valor engadido dos produtos alimentarios e previr o fraude alimentario. Ademais, a trazabilidade da contaminación e da calidade tamén garante a seguridade dos alimentos e alonga o período de conservación de moitos produtos. As tecnoloxías de detección e modelaxe contribúen en gran medida a este esforzo ao capturaren datos en tempo real sobre o estado dun proceso ou produto e permitiren así meirande control e flexibilidade á hora de optimizar a produción de forma dinámica. 

O sector alimentario tamén demanda sistemas de conservación e envasado respectuosos co medio ambiente, con etiquetado intelixente e interactivo para alongar o período de conservación e responder así ás demandas de quen consumen estes produtos. As persoas consumidoras tamén demandan unha industria alimentaria máis responsable e circular. A posta en valor dos subprodutos da industria do procesamento de alimentos tamén axuda a minimizar o seu impacto ambiental e a crear novas cadeas de valor.

Como podes ver, o Instituto foi acompañando o sector alimentario ao longo desta cuarta revolución de moitos xeitos distintos; a continuación podes ver todas as nosas capacidades e servizos asociados.

 

Grupos de investigación

Capacidades

  • Patente | Atmosferas modificadas para a conservación de bivalvos vivos en envases herméticos
    Industria alimentaria 4.0 Nutrición e saúde humana Biotecnoloxía

    Autoría: Laura Pastoriza; Gabriel Sampedro Cedeira; Marta Bernárdez Costas; Marta López Cabo;  Juan José Rodríguez Herrera

    A invención refírese a un método de conservar mariscos vivos utilizando unha atmosfera modificada que é rica en osíxeno e que contén un segundo compoñente principal de nitróxeno para conservar os moluscos bivalvos vivos e manter a calidade dos devanditos alimentos durante o máximo tempo posible ao longo do proceso de comercialización e venda. O envasado comercial do marisco debe estar completamente cheo e ben compacto, para o que as unidades deben inserirse perfectamente durante a operación de enchido mediante un vibrador, de xeito que os moluscos bivalvos non poidan abrir as súas valvas e perder así líquido intervalvar ao longo do proceso de venda. A invención refírese ao bivalvo máis popular do mercado canto a vendas e prezos e, por tanto, é de especial interese para o sector mexilloneiro. Podes ver información más detallada premendo aquí.

     

     

    Grupos de investigación relacionados

    Microbioloxía e Tecnoloxía de Produtos Mariños
  • Patente | Procedemento para a identificación de albacora ou bonito do Norte (Thunnus alalunga) en produtos de atún en conserva
    Industria alimentaria 4.0 Nutrición e saúde humana Biotecnoloxía

    Autoría: Carmen González Sotelo; Isabel Medina; Ricardo Pérez Martín; Javier Quinteiro Vázquez; Manuel Rey Méndez

    Técnica para a identificación de Thunnus alalunga en produtos de atún en conserva, que comprende a amplificación dun fragmento de 187 pb (BDR) do xene do citocromo b do ADN mitocondrial mediante o uso secuencial de dúas endonucleases. Isto permite diferencialo doutras especies utilizadas como sucedáneos de Thunnus alalunga en produtos enlatados. Podes ver información máis detallada premendo aquí.

     

     

    Grupos de investigación relacionados

    Bioquímica de Alimentos Química de Produtos Mariños
  • Patente | Procedemento para a identificación do zurdo liso (Auxis thazard) en conservas de zurdo liso
    Industria alimentaria 4.0 Biotecnoloxía Nutrición e saúde humana

    Autoría: Carmen González Sotelo; Isabel Medina; Ricardo Pérez Martín; Javier Quinteiro Vázquez; Manuel Rey Méndez

    Técnica para a identificación de Auxis thazard en produtos de peixe en conserva, que comprende a amplificación dun fragmento de 187 pb (BDR) do xene do citocromo b do ADN mitocondrial mediante o uso dunha endonuclease de restrición. Isto permite diferencialo doutras especies utilizadas como sucedáneos de Auxis thazard. Podes ver información máis detallada premendo aquí.

     

    Grupos de investigación relacionados

    Bioquímica de Alimentos Química de Produtos Mariños
  • Patente | Diferenciación de varias especies de atún en produtos de atún en conserva
    Industria alimentaria 4.0

    Autoría: Carmen González Sotelo; Isabel Medina; Ricardo Pérez Martín; Javier Quinteiro Vázquez; Manuel Rey Méndez

    Técnica para a diferenciación de varias especies de atún en produtos de atún en conserva consistente no uso secuencial dunha serie de endonucleases de restrición sobre un fragmento amplificado de 187 pb, coñecido como bdr, do citocromo b do ADN mitocondrial. Así, pódense distinguir Thunnus thynnus, T. obesus, T. albacares e Katsuwonus pelamis por análise de fragmentos. Podes ver información más detallada premendo aquí.

     

    Grupos de investigación relacionados

    Bioquímica de Alimentos Química de Produtos Mariños
  • Software | AMIGO2: Advanced Modelling and Identification using Global Optimization (modelaxe e identificación avanzada mediante optimización global), versión 2
    Industria alimentaria 4.0 Biotecnoloxía

    AMIGO2 é un kit de ferramentas multiplataforma baseado en MATLAB deseñado para resolver problemas de optimización matemática básicos para a bioloxía de sistemas, dentro do contexto da identificación de modelos paramétricos, a hipótese subxacente ao desenvolvemento de modelos e o control óptimo dos sistemas biolóxicos para acadar o comportamento desexado de forma sintética.

    Podes atopar máis información aquí.

    Grupos de investigación relacionados

    Biosistemas e Enxeñaría de Bioprocesos

Servizos

Proxectos activos