Capacidades e produtos de innovación
- Software | Deseño baseado en modelos de sistemas activos de envasado intelixente con actividade antimicrobiana
Código Matlab para desenvolver simulacións e optimizar o deseño de envases utilizando axentes antimicrobianos naturais (carvacrol) para a pescada (Merluccius merluccius). Ademais, considérase o uso de diferentes polímeros como posibles materiais de envasado activo.
Podes atopar máis información aquí.
- Software | DOTcvpSB: Matlab toolbox for Dynamic Optimization in Systems Biology (kit de ferramentas en Matlab para a optimización dinámica en bioloxía de sistemas)
DOTcvpSB é un kit de ferramentas escrito en MATLAB que utiliza o método de parametrización do vector de control (CVP) para manexar problemas de optimización dinámica enteiro-mixtos. DOTcvpSB aplicouse con éxito a diversos problemas en bioloxía de sistemas e enxeñaría de bioprocesos.
Podes atopar máis información aquí.
- Capacidades | Desenvolvemento de sistemas de control e optimización a nivel da planta completa na industria alimentaria
Modelaxe a múltiples escalas para flexibilizar a toma de decisións e optimizar procesos complexos (p. ex., esterilización) baseado no control da seguridade e calidade dos produtos alimentarios mediante técnicas non invasoras (sensores de software, etc.).
- Software | Fish-T-TaB Simulator: simulador de temperatura do peixe almacenado en cubas ou caixas
Este modelo desenvolveuse e aplicouse por parte de integrantes do Grupo de Traballo da EFSA sobre o transporte e almacenamento de produtos pesqueiros frescos durante o traballo de preparación da Opinión Científica do Comité de Riscos Biolóxicos (BIOHAZ) sobre o uso de cubas para transportar e almacenar produtos pesqueiros frescos (EFSA-Q-2019-00053). Aplicouse a modelaxe de transferencia de calor para estimar a temperatura superficial do peixe durante os procesos relacionados coa temperatura: arrefriamento e posterior mantemento da temperatura refrixerada do peixe (proceso de "arrefriamento") e/ou mantemento da temperatura refrixerada (proceso de "mantemento") do peixe sobre xeo (en caixas) comparado co peixe en auga con xeo (en cubetas) baixo as mesmas condicións de transporte e almacenamento.
Podes atopar máis información aquí.
- Software | CRNreals: análise de distinguibilidade de redes de reaccións bioquímicas
Un kit de ferramentas de software de apoio para a análise de distinguibilidade de modelos de redes de reaccións químicas (CRN).
Podes atopar máis información aquí.
- Capacidades | Deseño de procedementos de desinfección e modelaxe para a prevención da resistencia a axentes antimicrobianos
Desenvolvemento de estratexias químicas (combinacións de desinfectantes, aceites esenciais) e biolóxicas (encimas, fagos) que sexan efectivas na eliminación de biopelículas monoespecíficas e mixtas en superficies usadas na industria alimentaria. Proba de biocidas e desenvolvemento de mellores estratexias de dosificación de biocidas para a industria alimentaria, garantindo a seguridade alimentaria ao tempo que se evita a adquisición de resistencia a axentes antimicrobianos.
- Software | Cinética da inactivación de E. coli mediante cloruro de benzalconio v1.0
Este modelo e o seu código asociado desenvolvéronse para optimizar os protocolos de desinfección e minimizar a resistencia bacteriana. Este modelo aplicouse no seguinte artigo científico: Optimization of E. coli Inactivation by Benzalkonium Chloride Reveals the Importance of Quantifying the Inoculum Effect on Chemical Disinfection. Front. Microbiol., 26 June 2018. https://doi.org/10.3389/fmicb.2018.01259
Podes atopar máis información e acceder ao código aquí.
- Software | GenSSI: kit de ferramentas para a análise de identificabilidade estrutural de modelos biolóxicos
GenSSI é un kit de ferramentas que require MATLAB e Symbolic Math Toolbox. Ofrece unha técnica para estudar a identificabilidade estrutural mediante derivadas de Lie iterativas e táboas de identificabilidade.
Podes atopar máis información aquí.
- Capacidades | Modelaxe e optimización de procesos fermentativos e outros bioprocesos de uso industrial
Desenvolvemento de algoritmos matemáticos e software de simulación para a optimización global e o control de bioprocesos nas industrias alimentaria e biotecnolóxica.
- Software | saCeSS: biblioteca de optimización global paralela
A biblioteca saCeSS permite solucionar problemas de programación non lineal (NLP) e problemas de programación non lineais enteiro-mixtos (MINLP). Tamén ofrece solucionadores locais eficientes para problemas de estimación de parámetros non lineais asociados a modelos complexos (p. ex., os descritos por ecuacións diferenciais).
Podes atopar máis información aquí.